የኢትዮጵያ መሠረተክርስቶስ በ1943 ዓ.ም. የተመሠረተች ሲሆን የአዲስ አበባዋ አጥቢያ ዘግየት ብላ በ1953 ዓ.ም. በኦሎምፒያ አካባቢ ስትጀመር የቦሌ አካባቢ የለማ ስላልነበረ የምእመኑ ቁጥር ከ30 አይበልጥም ነበር።በቤተክርስቲያኒቱ የታሪክ መጽሐፍ ላይ እንደተመለከተው ‹‹ የጊዜው ቤተክርስቲያን መሪዎች ሚሲዮናውያንን ጨምሮ ሁኔታው ስላሳሰባቸው በየሳምንቱ አርብ ማታ በራሱ በፀሎትቤቱ በመሰብሰብ በቤተክርስቲያኒቱ ጌታ መነቃቃትን እንዲጀምርና ከተማውን በመንፈስቅዱስ እሳት እንዲያቀጣጥለው ይፀልዩ ነበር።››
በመግቢያው ላይ ለመግለጽ እንደተሞከረው የአዲስ አበባ መሠረተ ክርስቶስ ቤ/ክ “ሀ” መዘምራን በአዲስ አበባ ልዩ ስሙ ኦሎምፒያ በሚባል አካባቢ በሚገኝ የመሠረተ ክርስቶስ ቤ/ክ ጸሎት ቤት በ1965 ዓ.ም ተጠነሰሰ።በወቅቱ የቤ/ክ ወ/ዊ የነበረው ዳኜ አሰፋ ከጌታ ዘንድ የተቀበለውን ሸክም ለአንዳንድ ወንድሞችና እህቶች በማካፈል በዘማሪነት ለማገልገል ልባቸው የተነሳሳ ወጣቶችን ለመዘምራን አባልነት መርጦ በማሰባሰብ እግዚአብሔር ተጠቅሞበታል።ወንድም ዳኜና ተከትለውት የተነሱት እነዚህ ወንድሞችና እህቶች ይህን ከጌታ ያገኙትን ራዕይ ተግባራዊ ለማድረግ በትጋትም ተንቀሳቅሰዋል።